Rabu, 04 April 2012

Jumat Agung

ACARA PARMINGGUON & ULAON NA BADIA

DI HAMAMATE NI TUHAN JESUS KRISTUS

HKBP BENGKULU, JUMAT, 06 April 2012

Pangaradeon:………[ Song Leader ]

U: Hamu angka dongan tinobus ni mudar ni Kristus! Sadari on ma ingotonta siak ni bagi na tinaon ni Tuhan i laho paluahon hita sian dosa i. Ibana do Birubiru ni Debata na mamorsan dosa ni sandok portibi on, antong paingotingot ma Ibana na manaonhon parsilangon i. Marende ma hita!

01. MARENDE, No. 83: 1 – 2 Na lao do Birubiru i. BL. 214

1. Na lao do Birubiru i, mamorsan angka dosa. Ni nasa hajolmaon i di benget ni rohana. Diporsan do sahitta i, dilehon do dirina i tu tangan ni pamunu, ditaon i do na bernit i, ro di na tos hosana i, didok naeng porsanonku. …Jongjong…

2. Ianggo Birubiru i, ima alealengku. Na paluahon tondingki disuru Debatangku. Didok mandok Anakna i “Sai topot ma pardosa i naung sun tinoruanku, balga tutu do rimashi alai tarbaen do mombun i horhonon ni mudarmu”

02. V O T U M – INTROITUS - TANGIANG

U: Marhitehite Goar ni Debata Ama dohot Goar ni Anakna Tuhan Jesus Kristus dohot Goar ni Tondi Porbadia na manompa langit dohot tano on.

H: Amen.

U: Tongon do angka sahitta diusung Ibana, jala angka pardangolanta diporsan; alai anggo rohanta mandok: Debata do maminsang, mamungkul dohot pasipal Ibana.

H: [Mangendehon] BE, No, 83: 5 Na lao do birubiru i BL.214

5. O Tuhan hinaulimi sai naeng endehononku; Diringku ma peleanmi na naeng seahononku. O Jesus jalo ma au on pasiat ma pamujingkon, baen sangap di Goarmu. Pasahat au tu surgo i, marhitehite mudarmi baen intan di tumpalmu.

U: MARTANGIANG MA HITA. O Tuhan Jesus! Birubiru ni Debata na mamorsan dosanami. Na jongjong do hami dijolom marningot Ho na targantung i, tangkas do huantusi hami habebernit ni na tinaonmu di dolok Golgata.

H: Ditaon Ho do sude haleaon dohot siak ni bagi ala ni dosanami. Dibahen i tungki do hami marningot dosanami na manghorhon hamamatemi, asi ma roham urupi ma hami asa gabe upa ni haloajaonmu hami.

U: Nunga tarsilang dohot hadirionnami na buruk raphon Ho, asa unang be hami mangadop di dosa. Aala ni i sai pargogoi ma hami maralohon roha sibuk, hisaphisap dohot sangkapsangkap ni rohanami laho mangihuthon Ho na mangolu jala na manggomgomi hami rap dohot Ama i, dohot Tondi Porbadia ro di saleleng ni lelengna. Amen [H u n d u l]

KOOR:__________

03. MARENDE, No. 426: 1 - 2 Tutu na mate Jesus i BL.286

1. Tutu na mate Jesus i, humophop iba on, durus di hau parsilang i, mudarna i tongon. Songoni tutu, songoni tutu. Umbaen na mate Jesus i siala au do i.

2. Tutu na mate Jesus i, siala dosangki,. Na lao pasaehon utangki dibaen holongna i. Songoni tutu………

04. PATIK, Gal 5: 24 – 26:

U: Alai angka na ginomgoman ni Kristus Jesus, diparsilangkon do dagingna rap dohot angka hisaphisap dohot sangkapsangkap.

H: Ia dung dipangolu Tondi i hita, taparangehon ma Tondi i !.

U: Unang ma taeahi hasangapon na rumar; unang masiasapan manang masilatean!…. Antong rap mangido gogo ma hita sian Tuhan Debata!

H: Ale Tuhan Debata, sai pargogoi ma hami mangulahon na hombar tu patikmi.Amen!

KOOR: Naposobulung

05. MARENDE, No. 78: 1 - 2 O ulu na sap mudar BL. 158

1. O Ulu na sap mudar, binaen ni bugangmi. Na sian jangggar janggar sisungsang duri i. O ulu hatomanon hian do tumpalmi; ditaon Ho haleaon; Ho naeng sombaonki. ….[jongjong]…..

2. O bohi parsinondang, na sangap situtu. Beasa tung marlangan sap ijur hurummu? Tung aha ma alana, umbaen homur matam? Na mintop do sondangna di na lao tos hosam.

06. MANOPOTI DOSA

U: Hamu angka dongan, na jongjong do hita nuaeng di jolo ni Tuhanta na tarsilang i. Tatap ma bohi ni Tuhanta parsinondang i hian, nunga tung mardangol, ndang marsahala be, tudoshon bohi ni halak naung hona bura; ida ma sungsang duri na dililithon tu simanjujung ni Tuhanta i,… tiris mudarna i… ima mudar panghophopon i. Aha ma tama dohononmu tu Tuhan i?.

H: [Mangendehon] Ende, No. 78: 3 [diendehon angonangon, huhut diauhon]

3. Au on tama O Tuhan, manaon na tinaonmi.dosangku do diporsan Ho na tarsilang i. Sai tatap ale Tuhan, au na dijolomon, huhut sai patuduhon basam tu rohangkon.

U: Ida ma bohi parsinondang i, na sangap jala marmulia hian, nunga tung marlangan… nunga sap tijur bohina i, modar sude dagingna i…Molo di auhon ho angka na paet, na mangonai dompak Jesus i; nda patut ma paundukonmu bohim di adopanna sadari on, huhut mangendehon: O bohi parsinondang na sangap sutu, beasa tung marlangan sap ijur hurummu?.

H: [Mangendehon] Ende No. 78: 2 [diendehon satonga soara]

2. O bohi parsinondang, na sangap situtu. Beasa tung marlangan sap ijur hurummu? Tung aha ma alana, umbaen homur matam, na mintop do sondangna di na lao tos hosam.

U: Bereng ma angka dongan tanganna na sai mamasumasu i, asa malum be sian angka sahitna. Ida ma dohot patna na dua na sai ringgas mardalani mamboan barita na uli i, nunga angka dotdot pataontaon ala ni hansitna binahen ni pangalinsingi i.

…Organ angon angon… Song Leader mangendehon : “O Ulu na sap mudar…

U: Ale Tuhan Jesus naung mate tarsilang humophop hami, sian roha na magopu ro do hami nuaeng tu jolom mangarsakhon dosanami, huhut mangido hasesaan ni dosanami; tung unang tulak hami…sai tangihon ma tangiang ni sude na pungu on;

…Ganup martangiang mangido hasesaan ni dosana be …

…SL: Mangendehon] Ende No. 78…

U: Hamu angka dongan! Ndang tarasam balga ni holong ni roha ni Debata na tu hita. Tongon do angka sahitta diusung Ibana, jala angka pardangolanta diporsan. Ala ni pangalaosionta Ibana tartullang, binahen ni hajahatonta Ibana mabugang. Ampe tu Ibana pinsangpinsang parhitean ni hasonanganta, jala ala ni bugangna malum itahilala… Ahu ma mandok di ho; nunga sesa angka dosam... Antong unang ma dosa i mangaraji dibagasan dagingmuna na olo mate i, mangoloi hisapna.

H: Dihaporseai rohangku do mudar ni Jesus na durus di dolok Golgata ima naung manesa saluhut dosangku.

U: Antong ala naung sesa dosanta dibahen mudar ni Tuhanta, pasangap ma Ibana ollat ni on, ro di saleleng ni lelengna.

H+U: “Hasangapon ma di Debata na di ginjang”. Amen. [Hundul]

07. KOOR; Ina Par ari Kamis

08. MARENDE, No. 471: 2 Hupillit Jesus donganki

2. Arga ditobus tondingki, na mate do Ibana. Ngolungku hubaen upa ni, lao mangoloi hatana. ;:;Di Ho ngolungku, ro di ajalhu, Jesus di Ho au mate mangolu;:;

09. MANJAHA EPISTEL, Psalm 44: 18 – 27 [ Ida Bibel ]

10. KOOR: Ama Haleluya

11. MARENDE, No. 449: 2, 3 Sai solhot tu silangmi

2. Lao ma au tu silangmi, i haporusanku. Sai asi ma rohami unang tulak ahu. Silangmi Tuhanki ima pujionku, paima sogot sahat au i endehononku .

………. Jongjong…….

3. Domu ma tu silangmi, ima tioponku, asa unang lilu au, Ho ihuthononku. Silangmi...

12. MANGHATINDANGKON HAPORSEAON.

U: Hamu angka dongan! Ari parningotan di panaonon ni Tuhan Jesus do sadari on humophop hita. Na gabe hagogok ni pelean do Ibana bahen pardengganan tu Debata laho manggarari utang ni dosanta.

H: Marhite poda on, taondolhon do na holan sahali Jesus tarsilang laho manghophop jolma i, ala ni i tatulak do poda na mandok: adong haluaon na asing sian naung pinatupa ni Jesus, jala tatulak do poda na mandok na adong dalan na asing mandapothon Debata asing sian Jesus, songoni nang poda na mandok boi ulaon na denggan pinatupa ni jolma mamboan ibana tu haluaonna.

U: Antong tahatindangkon ma haporseaonta i, songon na hinatindangkon ni donagnta sahaporseaon di sandok portibi on, rap ma hita mandok:

U+H: Ahu porsea di Debata Jahowa ……….. [hundul]

13. KOOR: Parhalado & Keluarga: Ho do Rajangku.

14. SUNGGULSUNGGUL;

15. KOOR: Ama Agape

16. MARENDE, No. 84: 1 --- Aut na ginorga tu rohangku BL. 195

1. Aut na ginorga tu rohangku, bohim di na lao mate Ho. Aut na huingot O Tuhanku tongtong panghophopmi di au. Ai Ho do paluahon ahu, dosangku do pinorsanmi; didaoni Ho parsahitonku, martua au binaen ni i.

2. Sai jalo m’au ale Tuhanku, baen upa ni na tinaonmi; sai naeng ingoton ni rohangku tung sasude na binaenmi; humophop au pardosa godang, dibahen holong ni roham; hinorhon ni tarbaen au sonang lao mandapothon banuam.…O r g a n …

3. Mauliate ma rohangku, di Ho O Jesus Tuhanki. Ho naeng tongtong haholonganku, marningot denggan basami. Antong sai tiop ma tanganku, manogu au tu lambungmi; dijalo Ho do tangiangku; sai pos do rohangki disi.... O r g a n…

17. EV: 1 Kor. 15: 1 – 3

18. MARENDE, No. 412: 1 — [Huhut Pasahat Pelean) BL.387

1. Ndi di dolok adui, silang ni Tuhan i, sap mudar sap tijur do i. Jesus mate disi, asa malum dibaen, sude angka gondok roha i. Ref. Dibaen i tung holong rohangki, mida silang di Golgata i, hupasolhot diringku tu si dompak surgo pardalananki.

2. Dileai jolma i silang ni Tuhan i, hape haluaon do i. Nang godang dosangki, alai sesa do i, dibaen mudar na durus disi.. Ref. Dibaen i… [Organ]…

3. Na mabaor sian i mudar ni Tuhan i, na tau paiashon au do i. Tung na bernit di taon, Tuhan Jesus disi, paluahon sude hita on. Reff. Dibaen i tung holong rohangki.….[Organ]……

19. PANGARADEON TU ULAON NA BADIA. (Ende, terlampir)

20.TANGIANG PELEAN, ALE AMANAMI, PASUPASU, AMEN.
Gr. Abdul Rachman Sitorus

Senin, 02 April 2012

ATURAN NI PARPUNGUAN

DI TINGKI PARNINGOTAN PANAONON NI TUHAN JESUS.

PASSION I

01. MARENDE, No. 76: 1, 2 “Sada nama sangkap ni rohangku”

q Sada nama sangkap ni rohangku disandok portibi on. Ndang tagamon na so las rohangku molo jumpang au i non. Naeng ma sai ingoton ni rohangku, na binaen ni Jesus tu tondingku, uju pinorsanna i, saluhutna dosangki.

q ( jongjong…) Ingkon sai Ibana ingotonku uju na tarpajal i. Tu hau pinorsilang ginatungkon sai mabaor mudarna i. Ai humophop au ditaon uasna asa dohot au muse upana, ai ditatap do au on di pandokna nunga sun.

02. V O T U M:

U: Marhitehite Goar ni Debata Ama dohot Goar ni Anakna Tuhan Jesus Kristus dohot Goar ni Tondi Porbadia, na manonmpa langit dohot tano on.

H: A m e n.

U: Tabereng ma induk ni haporseaon i jala na paujungkonsa, ima Jesus na manaonhon parsilangon i, singkat ni las ni roha tohapna i hian, so dietong i hailaon, gabe hundul disiamun ni habangsa ni Debata. Paingotingot hamu ma Ibana, na pataontaon paraloan sisongoni dompak Ibana sian angka sipardosa, asa unang marna loja hamu, unang mandate tondimuna. Martangiang ma hita! Ale Tuhan Debata, Ama ni saluhut parasinirohaon! Nunga ditatap Ho hami bangsoMon, ai ndang manjua Ho mangalehon Anakmu na Sasada i, Tuhan Jesus Kristus tu tangan ni pardosa, asa taononna haleaon dohot siak ni bagi sahat ro di hau na pinorsilang. O Jesus Birubiru ni Debata na mamorsan dosanami. Na ro do hami tu jolom marningot na tinaonmu, tungki do hami marningot dosanami na manghorhon hamamatemi, asi ma roham,. Urupi ma au asa hupaihutihut jala lam huantusi habebernit ni na tinaonmi ala dosanami. Sai tumpahi hami marhite asi ni roham, asa margogo hami jala marbenget ni roha songon anak hinaholongan ni rohami di angka sitaonon, asa marsangap Goarmu dohot Anakmu, Tuhan Jesus Kristus, dohot Tondi Porbadia marhitehite hami.

H+U : A m e n. ….hundul…

03. KOOR: _________________

04. MARENDE, No. 464: 1, 2 Huboan ma diringku

q Huboan ma diringku Tuhan hibul tu Ho, ai au do tinobusmu umbaen tarbaen au ro. Pagalak ma rohangku dison managam au, Tondimi ma suru na boi manggomgom au.

q Ho Sipalua ahu, sun hinagogomi. Hatam do huhaposi na so boi muba i. Ref. Pagalak....

PASSION I

TUHAN JESUS BONGOT TU JERUSALEM.

U: Jadi diarahon Jesus ma na sampuludua i jala didok ma tu nasida na nangkok ma hita tu Jerusalem……..du.

05. KOOR:_____________

06. MARENDE, No. 421: 1, 4 Marsomba au dijolomon

q Marsomba au dijolomon, ponjot targogot rohangkon, dibaen godang ni dosangkon, sai jangkon dohot au, sai jangkon ma au on, na ramun diringkon, tung pos do rohangki di Ho, dijangkon Ho au on.

q Na ganggu jotjot rohangki, na denggan ndang huula i, tung sada haporusanki: Tu Ho nama au ro. sai jangkon ma au on....

U: Dung i onom ari nari asa dapot pesta Paska i,…….du.

07. MARENDE, No. 471: 3 Hupillit Jesus

q Rohangku baen ingananMi, patiur ma langkangku, Huhatindangkon ma disi;Ho Jesus palitongku,::Di Ho ngolungku ro di ajalhu Jesus di Ho au, mate mangolu::

PASSION II

(TUHAN JESUS MAMURI PAT NI SISEANNA)

U: Alai di ari parhobason parjolo ni pesta Paska i didapothon sisean i ma Jesus, angka ninna ma:……..

08. MARENDE, No. 83 : 4 “Na lao do Birubiru I”

· Saleleng na mangolu au/ Naeng ingotonku Jesus/ Sude na binaenMi di au/ Hatam naeng hupatulus/ Ho naeng haholonganku do/ Huhut ihuthononku Ho/ Di dalan hangoluan tung ingkon Ho nampuna au/ Mangolu manang mate au/ Sai Ho do tioponku.

U: Jadi di na mangan i nasida, ninna Jesusu ma:…..

09. KOOR:__________________

10. MARENDE, No. 173 : 1, 4. “ Sai mulak, sai mulak”

· Sai mulak, sai mulak ho naung lao jalang I! ai na dao ho nuaeng holang sian tuam. O parjalang ho, mulak, mulak ma ho. Mulak, mulak ma ho.

· Sai mulak, sai mulak, ai na sonang ma ho! Molo sesa dosam jala sabam roham, o parjalang ho ;:;Mulak, mulak ma ho;:;

U: Jadi di na mangan i nasida, dihindat Jesus ma roti, dipasupasu ma,……..

11. KOOR:_________________

12. MARENDE, No. 677:1, 4 Mansai lambok

Mansai lambok Tuhan Jesus manjou, manjou ho dohot au. Ida Ibana paima haroromu, mulak ma ho dohot au. Ref. Antong sai ro ma ho angka na sorat sai ro ma ho, mansai lambok Tuhan Jesus manjou; pardosa mulak ma ho.
Dijangkon Jesus do angka parjahat mulak ma ho dohot au. Dosam sudena ias sesaonna, muba ma ho dohot au. Ref. Antong sai ro ma ho.....

13. JAMITA:___________

14. MARENDE, No.81: 1 – 3 Jesus mual ni ngolungku

( Pasahat Pelean: Huria & Pembangunan)

Jesus, mual ni ngolungku, sipangolu tondingki. Ai dibunu Ho musungku, i ma hamatean i! Ho manaoni hamagoan, patupahon hangoluan, Ala ni hupuji Ho tung marribu hali do.

Haleaon, insakinsak, reherehe, tijur pe, Tali dohot pastappastap tung ditaonhon Ho sude, Paluahon au na pogos sian tangan ni sibolis. Ala ni hupuji Ho tung marribu hali do.

Bugang sada tanggurungMu di na hona linsing i; Hamamalum ni bugangku na di rohangki do i. Ho do gabe binuraan, au dapotan hangoluan, Ala ni hupuji Ho tung marribu hali do.

15. TANGIANG PELEAN, AMANAMI, PASUPASU. AMEN, AMEN, AMEN.

ATURAN NI PARPUNGUAN

DI TINGKI PARNINGOTAN PANAONON NI TUHAN JESUS.

PASSION III.

PARPUNGUAN BORNGIN PADUAHON.

01. MARENDE, No. 83: 1, 2 Na lao do birubiru i.

o Na lao do birubiru i, mamorsan angka dosa, Ni nasa hajolmaon i dibenget ni rohana, Diporsan do sahitta i, dilehon do diriNa i tu tangan ni pamunu, Ditaoni do nabernit i, ro di na tos hosaNa i, didok naeng porsanonku

· Ianggo birubiru i, i ma alealengku, Na paluahon tondingki disuru Debatangku. Didok mandok Anakna i, "Sai topot ma pardosa I Naung sun tinoruanku. Balga tutu do rimasHi, alai tarbaen do mombun i, hinorhon ni mudarMu."

02. VOTUM INTROITUS

U: Marhitehite Goar ni Debata Ama dohot Goar ni AnakNa Tuhan Jesus Kritus dohot Goar ni Tondi Porbadia na manompa langit dohot tano on.

H: A m e n!

U: Kristus manaon na porsuk humongkop hamu, tumadingkon tiruan di hamu, asa diihuthon hamu bogas ni patna. Ndang adong dosa diula Ibana; ndang jumpang angkal dibagasan pamanganna. Ndang manginsahi Ibana di na hona insak, ndang mangasupi di na manaon na porsuk; alai dipasahat do tu Panguhum sitigor roha i. MARTANGIANG MA HITA: Ale Amanami Parasi roha na sumurung, Debata ni hatuaonnami! Huingot hami do di angka ari on panaonon dohot hamamate ni Tuhan Jesus Kristus, Tuhannami. Pahibul ma rohanami jala parbadiai mamingkiri sude na tinaonNa i. Patandahon ma tu hami dosanami, asa diarsakhon rohanami, asa hupompomi hami hisaphisap dohot sangkapsangkap ni rohanami, jala asa hupasaut hami lomo ni roha ni na manobus hami, asa martua hami marhite sian i ro di saleleleng ni lelelngna. Sai patupa ma i di hami marhitehite Tuhan Jesus Kristus, Anak haholongan ni rohaM.

U+H: Amen!

03. KOOR:_____________

04. MARENDE, No. 81: 1- 2 Aha ma endehononku BL.185

· Jesus mual ni ngolungku/ Sipangolu tondingki/ Ai dibunu Ho musungku/ Ima hamatean i/Ho manaoni hamagoan/ Patupahon hangoluan/ Ala ni hupuji Ho/ Tung marribu hali do.

· Haleaon insakinsak/ Reherehe tijur pe/ Tali dohot pastappastap/ Tung ditaonhon Ho sude/ Paluhon au na pogos/ Sian tangan ni sibolis/ Ala ni hupuji Ho/ Tung marribu hali do.

MANJAHA PASSION PA III HON

HADUNGOON MARTANGIANG

U: Dung i sahat ma Jesus rap dohot nasida tu porlak sada margoar Getsemane…….

05. MARENDE, No. 275: 1 - 2 O Jesus Tuhanki

· O Jesus Tuhanki, Ho Siparmonang i, Raja tongtong. Ndang na margogo au, molo so Ho di au. Ipe dongani au di tano on.

· Sai ro do setan i manaiti rohangki, dao sian Ho. Ipe ingani au, ai molo Ho di au ingkon manigor lao musu naung ro.

U: Dungi laho ma Ibana paduahalihon martangiang ninna ma:…..

06. MARENDE, No. 249: 1, 2 Ngot ma ho o tondingki

Ngot ma ho o tondingki, dungo martangiang, Asa unang musu i, tole so tinagam, Bisuk ni setan i do manait tu dosa lan na so marroha.
Ngot ma ho, na modom i di bagasan dosa, Asa unang ala ni Ho marutang hosa. Ai hatop, Nang tahop, ro ma pangunjunan tu na so managam.

U: Alai diboto si Judas siparjehe i do inganan i, ai jotjot do marpungu Jesus tusi dohot angka siseanNa………….

07. KOOR:___________________

08. MARENDE, No. 412: 1 — Ndi di dolok adui

Ndi di dolok adui, silang ni Tuhan i, sap mudar sap tijur do i. Jesus mate di si, asa malum dibaen, sude angka gondok roha i. Dibaen i tung holong rohangki, mida silang di Golagata i, hupasolhot diringku tu si dompak surgo pardalananki.
Na mabaor sian i mudar ni Tuhan i, na tau paiashon au do i. Tung na bernit di taon, Tuhan Jesus di si, paluahon sude hita on. Reff. Dibaen i tung holong rohangki...

U: Alai nunga dipabotohon parjehe i hian partinandaan tu nasida…..

09. KOOR:_______________

10. MARENDE, No. 619: 1, 2 Di Golgata husolsoli

· Di Golgata husolsoli do sude dosangku na jorbut i, ias au dibaen mudarna i puji Jesus i. Ref. Puji ma Goarna, puji ma Goarna. Mudarna paias rohangki, puji Jesus i.

· Malua au sian dosangki, nunga tung sonang martua au. Di tano on dongananna au, puji Jesus i. Ref, Puji ma Goarna..

11. JAMITA;

12. MARENDE, No. 84: 1, 2 Aut na ginorga tu rohangku

( Pasahat Pelan tu Huria & Pembangunan)

· Aut na ginorga tu rohangku/ Bohim di na lao mate Ho/ Aut na huingot Ho Tuhanku/ Tongtong panghophopmi di au/ Ai Ho do paluahon au/ Dosangku do pinorsanmi/ Didaoni Ho parsahitonku/ Martua au binahenni.

Sai jalo m'au, ale Tuhanku, baen upa ni na tinaonMi; Sai naeng ingoton ni rohangku tung sasude na binaenmi; Humonghop au pardosa godang dibahen holong ni roham; Hinorhon ni tarbaen au sonang lao mandapothon banuam.

13. TANGIANG PELEAN - ALE AMANAMI – PASUPASU.